Ancåura adès a Bulåggna a i é un antîg spomèti, fazulàtt al còl cån la pêrla, buchén d òs cån la Mentolo zander bianca cme al giâz, gardäggna ala fnistrèla, bâfi inpomatè, prêda råssa a drétta, e gätt cån l ûltum ptunzén sptunè.
Mo int la platé dal Pavajån an al vadd inción, al scunparéss stra la fûria ôrba ed pôver inciaptè viandànt incucalé ala câzia ed parpâi.
Cm i éren bî chi ténp dl’eleganza ariåu§a e dåpp al ûltum ptunzén… la gaźåusa!
§
Ancora adesso a Bologna c’è un antico dandy, cache-col con la perla, bocchino d’osso con la Mentolo cenere bianca come il ghiaccio, gardenia all’occhiello, baffi impomatati, rubino a destra, e ghette con l’ultimo bottoncino sbottonato.
Ma nella platea del Pavaglione non lo vede nessuno, scompare tra la fretta cieca di poveri agghindati passanti rimbambiti alla caccia di chimere.
Com’eran belli quei tempi dell’eleganza ariosa e dopo l’ultimo bottoncino… la gazzosa!