L’AVOCATO
Mi no capisso tutto sto bordel
su l’avocato.
Secondo el me giudissio
gh’è tanta maldicensa;
pì facile dir mal
che farde sensa.
Gh’è quei che va disendo:
anca se el me avocato
el par en poro can,
l’è uno che sa tuto
el magna lege e pan.
E tanti che risponde:
el me avocato envesse
a far bela figura
l’è uno che ghe tien;
de lege lu el sa poco
però el conosse el giudice
el lo conosse ben…
§
Io non capisco tutto questo parlare
sull’avvocato.
Secondo il mio giudizio
c’è tanta maldicenza;
più facile dir male
che farne a meno:
Ci sono coloro che dicono:
anche se il mio avvocato
sembra un povero diavolo
è uno che sa tutto
mangia legge e pane.
E molti che rispondono:
il mio avvocato invece
a far bella figura
è uno che ci tiene;
lui di legge sa poco
però conosce il giudice
lo conosce bene…
Bruno Castelletti